Faruk Begolli dhe aktorja Neda Arneric ne filmin "Podne"

Ishte mesi i ditės. Ishte nji kohė e bukur sa pėr Prill n’ate Beogradin e vitit 1966. Kafja e Qytetit, ai vendi pėr takime e kibicime. S’po kalonte Vesna, po qe ku po vjen Faruk Begolli. Ma gjun n’tavolinė skenarin "San"("Andrra"), dhe thotė, Purke, kjo gja s’asht pėr mu, ka shumė tekst e akcenti jem asht prej Prishtine, si kam me e luejt komisarin qė ka lind n’Ēaēak. Farukun e thirrshim "Begoli". I thashė, "Begoli", bash kur tutesh, dije se e ki mirė. Edhe nėse po na folshe me "lj", nuk asht se ka me na dėshtu filmi. Nė skenarin "Andrra" kisha shkrue sesi me 16 vjet kam dal partizan pėr me e mposht okupatorin. Gjithkush e ka andrrėn e vet. Komisarėt nisėn me folė asokohe se kur e fitojmė luftėn, tė gjithė kemi me qenė poetė e kena me shkrue vjersha si dhe kena me shku pa pare n’deti, qysh kush ka qejf. Andrra jeme asokohe ishte qė, nėse fitojmė, une me hi n’ekipin e parė tė klubit futbollistik "Borac". Pėr nji skenė tė filmit u hajsha me Begollin – a thue ēka njimend na pret nėse fitojmė. Muzika, m’tha Begolli. Cila muzikė, e pyeta. Begolli – n’film aktron Olivera Vuco. Ajo kėndon pėr bukuri. Edhe pse filmi jonė ban fjalė pėr luftėn, ndėrpreje pėr nji moment me nji skenė - Olivera kėndon nė televizion - e mandej kthehu prap n’luftė. Shumėkush ma vonė s’e kishte kuptue kėte skenė e as filmin. "Andrra" ishte kandidat edhe pėr ēmimin "Oscar", e bile pasha Zotin e ftuen edhe nė festivalin e filmit n’Berlin. Nė Frorin e vitit 1967, Begolli e une shetitshim "unter den linden" (‘nėn bli’). Kritika gjermane e kishte prit mirė filmin, tue na kujtue se andrrat nga filmi nuk na janė plotėsue si kishim pas mendue asohere. Begolli e une shetitshim bashkė tue shku sa nė fotografime e sa n’intervistime. Dėshprohemi me Berlinin kur e shohim njashtu zezue me mur, qė e ndante qytetin nė perendim dhe lindje. Te na kjo gja nuk ka gjasa me ndodh as n’andėrr, thamė njizani...

Prapė ban kohė e mirė n’Beograd, prapė po ajo Kafe e Qytetit. Viti 1967, mueji Prill. Begolli e une tashti jena do ‘faca’ tė njoftuna. Begolli gjen behone n’skenarin tem t’ri, "Jutro" ("Mėngjesi"). Thotė, teksti bahet i rrezikshėm kur Milena Dravic flet sesi partizanėt kanė pushkatu po n’ato vende ku kishin pushkatue edhe gjermanėt. "Jutro" asht nji film pėr ditėn e fundit tė luftės dhe ditėn e parė tė paqes. Nuk bante pa pushkatime. Filmi "Jutro" fitoi ēmimin nė festivalin n’Pula. Filmi fiton edhe shumė ēmime n’Venedik. Begolli m’ēon nė nji kafe n’Venedik, ku gjithmonė paska ndejt Hemingway. Mbetėm n’atė kafe deri n’mesnatė, u pimė tue prit mos po vjen edhe Hemingway. S’erdh. Mirė boll. Le t’kthehemi n’Beograd kur, a don ti, po, organi i partisė komuniste, gazeta "Borba", sulmon filmin "Jutro" tue thanė se n’film asht tradhtue revolucioni. Ato sulme ndaj filmit nuk pranin derisa nuk ndodhi diēka e bukur – tanė punėtorėt e filmit, Sasa, Mak, Zika, Tirke, e morėn nė mbrojtje filmin, sepse ai ende po shfaqej nėpėr festivalet e jashtme. Turri ndaj filmit u ndėrpre, por ndodhi nji film i ri. Tito na thrret n’Brione, neve nja 50 veta, na pranon n’Vangi, dhe i thotė tue e pėrshėndet Milena’n, pse jeni kaq e dobtė. Mandej e pyet Bulajic’in, sa pare i duhen pėr filmin "Neretva", Sasa Petrovic i spjegon Titos pėr sukseset tona, sesi filmi i tij kishte fitue ēmim n’Cannes, e mandej Tito m’pyet mu, e une i them – kisha pas dėshirė me e filmue ngatėrrimin tuej me Stalinin nė vitin 1948. Mos e "prckatni"/ trazoni ate punė, tha. U ēudita, ku po e din fjalėn "prckati". Kur e dijsha se thonė se ka lind nė njiqind vende tė ndryshme, u tuta nga fjala "prckati" mos ka lind n’Ēaēak.

Ne filmin "San"

I flas Begollit pėr vizitėn te Tita dhe pėr "prckanje". Tashti Begolli m’ban presion mu me e shkrue tekstin pėr konfliktin e Titos me Stalinin, natyrisht, nė mėnyrėn si ka ndiku kjo gja te njerėzit e thjeshtė tė Jugės nė vitin 1948. E xhirova njat "prckanje" me emnin "Podne" ("Mesdita"). Begolli e lujke diplomatin rus qė u dashnu n’ish partizanen. Nė ditėn e martesės sė diplomatit rus me ish partizanen publikohet rezoluta e Informbiros, dhe duhet me shtue se me fjalėt e Dragoslav Mihailovic’it, shkrimtarit, mikut tem, une i pari nė filmin "Mesdita" kam nis temėn e konfliktit Tito–Stalin. Falemnderit. Dhe, qe ku e ki filmin "Podne" tuj shkue n’festivalin e Venedikut, ishte viti 1968. Mbas "Jutro" na tashma jemi tė njoftun n’Venedik, Milena asht ylli i filmit, gjithēka tregonte se po shkojmė drejt nji ēmimi tė ri kur, a don ti, nji ditė tė festivalit, me mija njerėz ishin nda nė majtista dhe fashista dhe u rehshin me grushta para godinės sė festivalit. Edhe njana palė edhe tjetra ishin kundėr festivalit, dhe festivali ndėrprehet. Begolli e une nuk dojshim me e ndėrpre ndejen n’Itali. Para nisjes pėr Venedik, m’i kishin nda nja 2 milionė dinarė pėr skenarin e filimit "Podne", dhe me to e bleva kerrin "Fiat 1100" pėr 1 milion e 100 mijė, e m’kishin mbetė edhe nja 200 mijė dinarė. I ndrruem kėto pare n’bankė n’Venedik, e mandej une e Begolli ja therrim kah qyteti "kqyre Napolin e mandej diq". O sole mio, knojna Begolli e une, dhe kishim ide me shku deri nė Napoli, mandej deri n’ishullin Kapri, sepse aty ishte vila e shkrimtarit tė famshėm Malaparte. Njeri i ēuditshėm, roman i hatashėm ai "Likura", e edhe ma e hatashme ideja qė me ja falė vilėn partisė komuniste tė Kinės. Nuk shkuem. Qe pse. Pijshim venė lokale nė nji kafe, kur karshi nesh u ndal nji kerr, me dy ulėse, dhe nga kerri del nji japoneze e re, i jep shej fmiut n’ulėse me e prit, shkon ma larg deri te kiosku, humb diku n’tollovi, e mandej kthehet tuj ulurue "policia!", sepse kerri me fmi kishin humbė, e askush n’kafen ku ishim na nuk u shqetėsue. Qe ēka na la pa shku. Begolli e une thamė njizani, kėsi sene te na nuk kanė shans me ndodh...